Tag Archives: poetry

వసంతగానం

కమ్మగా కూసింది కోయిలమ్మ సిగ్గుగానవ్వింది ముద్దుగుమ్మ

2dkzFjJ

మల్లె మందారాలు సన్నజాజుల తొను
సంపెంగ విరజాజి పూల విందుల తోను
పుడమి పులకించె పండు వెన్నెలలోన
వచ్చింది వయ్యారి వాసంత లక్ష్మి ..కమ్మగా

వీణమీటినలా వేణునాద రవళిలా
మందహాసము చేసె అందాల ఆమని
కన్నె మనసున పలికె ప్రేమ రాగాలేవో
సిగ్గు దొంతర లోన మదుర భావాలేవో ..కమ్మగా

Vapa_13

యమునా తీరాన రాస లీలల తేలు
చిలిపి కృష్ణుని తీరు తలచెనేమొ
గున్న మామిడి పైన గువ్వ జంటల వలపు
గుట్టుగా గుర్తుకి వచ్చెనేమొ ..కమ్మగా

మృదు మదుర భావాలు పిల్ల గాలుల తేలి
మూగ బాసలలొన మురిపించెనెంధుకో
ఊహలలో వరుని రూపు ఊరించెనేమొ ..కమ్మగా

Advertisements

తొలి శ్రావణ మాసం

guardian-angel-face-in-clouds

శ్రావణ మేఘాలలొ కనిపించె నీరూపు
చిరు చినుకుల సవ్వడిలో వినిపించె నీ పిలుపు……శ్రావణ

మబ్బు చివర మెరుపులో మొలక నవ్వుల సొంపు
పిల్లగాలి తెమ్మెరలో నీ చెక్కిలి తలపింపు……శ్రావన

నీ గజ్జెల మ్రోతలే నా గుండెల కదిలించి
నీ గాజుల గలగలలే గిలిగింతలు కదిలించి
పూల పరిమళాలు తలచి
నీ నడకల హొయలు తలచి ……శ్రావణ

అలుక లోని పెదవి విరుపు
కనుల కొసల కసరు విసురు
నీ వాల్జడ ఊపులోన
నా హృదయమె డోలలూగె ……శ్రావణ

వాన ధారలోన తడిసి
నీ తలపులె తలచి తలచి
నా మనసే పరుగు తీసె వాన నీటి పాయ లోనే
ఎంత మధురమో యీ తొలి శ్రావణ మాసమ్ము ……శ్రావణ